नुवाकोट । नुवाकोटमा कोरोनाको सक्रिय संक्रमितको संख्या फेरि ५ सय नाघेको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ५७ जना कोरोना संक्रमित थपिएसँगै सक्रिय कोरोना संक्रमितको संख्यन बढ्न गएको हो ।

कार्यालयका सुचना अधिकारी उत्तमराज खनालका अनुसार पछिल्लो २४ घण्टामा जिल्लामा एकसय १५ जनाको पिसिआर र २० जनाको एन्टीजेन परिक्षण गर्दा ५७ जनामा कोरोना संक्रमण पुष्टि भएको छ ।

यससँगै नुवाकोटमा कोरोना संक्रमितको संख्या ६ हजार ८ सय ४८ पुगेको छ । यस्तै जिल्लामा रहेका सक्रिय कोरोना संक्रमितमध्ये ४ सय ४५ जना होम आइसोलेसनमा, २६ जना आइसोलेसन सेन्टरमा र ३७ जना अस्पतालमा उपचाररत रहेका छन् ।

यस्तै पछिल्लो २४ घण्टामा जिल्लामा ३६ जना कोरोना संक्रमित कोरोनामुत्त भएर घर फर्किएका छन् । यससँगै जिल्लामा कोरोनामुत्त भएर घर फर्कनेको संख्या ६ हजार २ सय ९९ पुगेको छ ।
नुवाकोटमा कोरोना संक्रमणबाट मृत्य हुनेको संख्या ४१ पुगेको छ । हालसम्म जिल्लामा २३ हजार ६ सय २२ जनाको पिसिआर परिक्षण गरिएको स्वास्थ्य कार्यालय नुवाकोटले जानकारी दिएको छ ।

प्रतिक्रिया

सम्बन्धित खवर

ताजा समाचार

लोकप्रिय