७ साउन,काठमाडौँ -एमालेका वरिष्ठ नेता माधवकुमार नेपालले अब सम्मानजनक रुपमा पार्टी एकताको पक्षमा लाग्नुपर्ने बताएका छन् ।हिजो बसेको आफूनिकट स्थायी समिति बैठकमा नेपालले सम्मानजनक एकताको पक्षमा लाग्नुपर्ने बताएका हुन् ।

नेता नेपालले बैठकमा पार्टी एकता नै अब आफूहरुका लागि पहिलो प्राथमिकता हुने बताएको नेता युवराज ज्ञवालीले जानकारी दिए । एकअर्कालाई आरोप–प्रत्यारोप नगरी पार्टी एकतामा लाग्नुपर्नेमा नेपालले जोड दिए ।

बैठकमा उनले १० बुँदे प्रस्तावको प्रसंग भने उल्लेख गरेनन् । पार्टीको एकता कायम राख्न सजग हुनुपर्नेमा उनले जोड दिए ।                 यो पनि पढ्नुहोस्….दोस्रो अध्यक्ष दिन्छु भन्दापनि माधव नेपालले मान्नु भएन : ओली

एमाले अध्यक्ष केपी ओलीले वरिष्ठ नेता माधवकुमार नेपाललाई दोस्रो अध्यक्ष दिन तयार भएको बताएका छन् । बुधबार केन्द्रीय कमिटी बैठकमा बोल्दै उनले यस्तो बताएका हुन् ।

उनले माधव नेपालले दोस्रो अध्यक्ष मागेको र अध्यक्ष दिन तयार छु भन्दा पनि उनले एकतामा इच्छा नदेखाएको बताए ।
‘माधव नेपालले मिल्ने हो भने दोस्रो अध्यक्ष मागे। मैले भनेको छु, पार्टी एकता बचाउन माधव नेपाल आउँछन् भने दोस्रो अध्यक्ष दिन तयार छु,’ उनले भने, ‘मैले यति भन्दा पनि एकताप्रति इच्छा देखाइएको छैन, अनेक बहाना खोजिएको छ ।’

त्यसपछि पनि केन्द्रीय कमिटीमा बहुमत चाहियो भनिरहेको ओलीले बताए । ‘किन ? हामीलाई पार्टीबाट निकाल्न ? ढुक्क हुनुस् कमरेडहरू, त्यसो हुन दिइने छैन । किनकि, यस्तो अभ्यास उनीहरूले पहिले पनि गरेका छन्,’ ओलीले भने, ‘संसदमा आफ्नै पार्टीको सरकारका विरूद्धमा मन हालियो ।

यो अनैतिक, अराजनीतिक र आपराधिक कार्य हो तर पनि मैले फिँजमा भए पनि केही घिउ लागिहाल्छ कि भनेर मही मथेको मथै छु । म थाकेको छैन । एकताका लागि कुनै कञ्जुस्याइँ गरिएको छैन, गरिने छैन ।’

उनले पार्टी एकताका लागि हदैसम्म लचिलो भएको र १० बुँदे सहमति कार्यान्वयन गर्न आफू प्रतिबद्ध रहेको बताए । एकता भए पार्टीका सबै संरचनाहरू २०७५ जेठ २ कै अवस्थाबाट क्रियाशील रहने ओलीले बताए ।

प्रतिक्रिया

सम्बन्धित खवर

ताजा समाचार

लोकप्रिय