AdvertImage

नुवाकोटका मिलन लामा सहित १८ जनाको सव शनिवार नेपाल आईपुग्यो

अखबार पाटी ११ माघ २०७७, आईतवार ०७:३१
               
AdvertImage                        
नुवाकोटका मिलन लामा सहित १८ जनाको सव शनिवार नेपाल आईपुग्यो
AdvertImage

११ माघ,काठमाडौँ

राष्ट्रिय ध्वजावाहक नेपाल वायुसेवा निगम (नेपाल एयरलाइन्स)को वाइड बडी ए३३० जहाजले मलेशियाबाट १८ वटा नेपाली कामदारको शव शनिवार नेपाल ल्याईएको छ।

वैदेशिक रोजगारीको सिलसिलामा मलेशियामा विभिन्न कारणले ज्यान गुमाएका नेपालीको शव लिएर निगमको जहाज शनिवार  अपराह्न काठमाडौँ अवतरण भएको हो। एक शवको अस्तुसहित १९ वटा शव नेपाल ल्याइएको निगमले जनाएको छ।

बिहान ८:३० बजे त्रिभुवन अन्तर्राष्ट्रिय विमानस्थल आईपुगेका सव हरु मध्येमा निजगडका बीरबहादुर तामांगको अस्तु मात्रै ल्याईएको छ भने अन्य को सव आएको हो ।

सव हरुमा:- बाँके: तिर्थराज लोनिया, पाँचथर : सुन्दर राई र लक्ष्मीकुमार माझी, सिन्धुपाल्चोक: कालु तामाग र अजय भण्डारी , झापा: लिला नहादुर खडका र विष्णुकुमार चौधरी , धनकुटा: भिम बहादुर मगर, सिन्धुली: सुर्यबहादुर तामांग, काभ्रे : अजय तामांग , नुवाकोट : मिलन लामा , तालेजुङ: धन बहादुर बिके र नेत्रप्रसाद भट्टराई, रौतहट : बिरेन्द्र राउत , पर्सा : अजिर खान , इटहरी: मोहम्मद मिस्ताव, मोरङ: रामकुमार इयार

शव लिन निगमको जहाज शुक्रबार राति ११ बजे त्रिभुवन अन्तर्राष्ट्रिय विमानस्थलबाट मलेशियाको क्वालालम्पुर उडेको थियो। संस्थागत सामाजिक उत्तरदायित्वअन्तर्गत निगमले नेपालीको शव ल्याएको हो। वैदेशिक रोजगारीको सिलसिलामा मलेशियामा काम गर्न गएका नेपाली विभिन्न कारणले मृत्यु भएर त्यहाँ अलपत्र अवस्थामा थिए।

निगमले क्वालालम्पुर गन्तव्यमा न्यारोबडी जहाजले नियमित उडान गर्दै आएको छ। नेपाली कामदारको शव लिनकै लागि निगमले पहिलोपटक वाइडबडी जहाज प्रयोग गरेको हो। वाइडबडी जहाजमा १८ वटा शव बोक्ने क्षमता हुन्छ।

मलेशियास्थित नेपाली दूतावासँगको समन्वयमा निगमले नेपालीको शव ल्याएको हो। नेपाली दूतावासलाई उद्धृत गर्दै निगमले जनाएअनुसार अझै त्यहाँ ३७ वटा शव रहेको छ। ती शव समयभित्रै नेपाल ल्याउन निगमले आवश्यक तयारी भइरहेको जनाएको छ।

विदेशमा अलपत्र नेपाली कामदारको शव नेपाल ल्याएर निगमले सामाजिक उत्तरदायित्वको उदाहरणीय काम भएको निगमका सहप्रवक्ता शुलेख मिश्रले बताए। ‘नेपाल वायु सेवा निगम राष्ट्रिय ध्वजावाहक भएकाले हामी सदैव नेपाल र नेपालीको सुखदुःखमा साथमा हुनुपर्छ र छौं, यस कारण पनि सामाजिक उत्तरदायित्व हाम्रो प्राथमिक क्षेत्र हो र जसप्रति निगम उच्च संवेदनशील छ’, उनले भने।

महिनौँदेखि अलपत्र अवस्थामा रहेका नेपालीको शव ल्याउन निगमको जहाज प्रयोग भएको छ। निजी क्षेत्रका जहाजले शव बोक्न आनाकानी गर्ने गरेको अवस्थामा निगमले प्रशंसनीय काम गरेको छ। निगमले दुई थान न्यारोबडी जहाज ए ३२० र दुई थान वाइडबडी ए३३० जहाजमार्फत भारतका तीनसहित सात देशका नौ गन्तव्यमा अन्तर्राष्ट्रिय उडान भर्दै आएको छ।