प्रधानमन्त्री ओलिद्वारा गरिएको संसद विघटनको घटना असंवैधानिक कदम भएको भन्दै नुवाकोट कांग्रेस क्षेत्र नंवर १ ‘ख’ ले लिखु गाउँपालिकाको थानसिङमा पुष २५ गते बिरोध सभाको तयारी थालेको छ।

नेकपा अध्यक्ष समेत रहेका केपी ओलिले पुस ५ गते जननिर्वाचित प्रतिनिधिसभा विघटन गरेको बिरोधमा नेपाली कांग्रेस केन्द्रीय समिति बैठकले पुष २५ गते ३ सय ३० वटै प्रदेश सभा निर्वाचन क्षेत्रमा विरोध प्रदर्शन गर्ने कार्यक्रम अनुसार बिरोधसभाको आयोजनाको तयारी थालिएको हो ।

कांग्रेस क्षेत्र नंवर १ ‘ख’ ले व्यापक नेताकार्यकर्ता सडकमा उतार्दै प्रधानमन्त्री ओलिको अधिनायकवादी चरित्रको कडा बिरोध गरिने नेपाली कांग्रेस नुवाकोट क्षेत्र नंवर १ ‘ख’ का सभापती अर्जुन न्यौपानेले वताउनुभयो ।

संबिधान बिपरित जननिर्वाचित प्रतिनिधिसभा विघटन गरि प्रधानमन्त्री ओलिले निरंकुश र अधिनायकवादी चरित्र प्रदर्शन गरेको कदमका बिरुद्ध नेपाली कांग्रेसले देशभर एकसाथ प्रदर्शन गरिने बिरोधसभामा सबै लोकतन्त्रवादी नेता कार्यकर्तालाई सहभागिताका लागि लिखु गाउँपालिका नेकाका कार्यबाहक सभापती बिनोद पाठकले आग्रह गर्नुभएको छ ।

प्रधानमन्त्री ओलिको गैरसंबैधानिक संसद विघटनको कदमका बिरुद्ध नेपाली कांग्रेस क्षेत्र नम्बर १ ‘ख’ नुवाकोटले पुस २५ गते सयौँ नेताकार्यकर्ता सडकमा उतार्ने तयारी गरेको काङ्ग्रेस नेता माधवप्रसाद खनालले वताउनुभयो ।

नेता खनालले पुष २५ गते दिनको ११ बजे लिखु गाउँपालिकाको वडा नंवर ६ साबिक थानसिङ गाबिसको बच्छला निमाविमा हुने कार्यक्रममा उपस्थितिका लागि सम्पुर्ण नेता कार्यकर्तामा अपिल गर्नुभएको छ ।