जनवरी ५ मंगलबार ।

आजको दिनसँगै ५० ओभरको क्रिकेटले ५० वर्ष पूरा गरेको छ ।

आजको ठीक ५० वर्ष अगाडि पहिलो वान–डे क्रिकेट खेलिएको थियो, अष्ट्रेलिया र इंग्ल्यान्डबीच । तर यसको जन्म एउटा संयोगका कारण भएको थियो, तर यो क्रिकेट खेललाई लोकप्रिय बनाउने सबैभन्दा ठूलो निहुँ पनि भयो ।

मेलबर्न क्रिकेट मैदानमा भएको पहिलो वान डे अष्ट्रेलियाले जितेको थियो, पाँच विकेटले । भएको के थियो भन्दा पारम्परिक प्रतिद्वन्द्वी अष्ट्रेलिया र इंग्ल्यान्डबीच सन् १९७०–१९७१ को एसेज सिरिजको तेस्रो टेस्ट वर्षाका कारण हुन नै नसक्ने स्थितिमा पुग्यो । टेस्टको पहिलो दिन डिसेम्बर ३१ मा थियो, तर सुरुका चार दिन वर्षाले खेल नै हुन सकेन् ।